Ömurlegur fréttafluttningur!

Þegar prestar felldu tillöguna um giftingu samkynhneigðra mátti sjá ömurlegan fréttafluttning frá Fréttablaðinu og blaðinu.

Eins og t.d. forsíðan á blaðinu fimmtudaginn 26. apríl 2007 ,,Kirkjan elskar með skilyrðum", og síðan á bls. 8 ,,Böðlar samkynhneigðra". Síðan var tekið viðtal við þá Hörð Torfa og Pál Óskar sem engan skilning hafa á Biblíunni og þar fengu þeir að ausa úr skálum reiði sinnar í garð kirkjunnar. Smá viðtal við Dr. Sigurð Árna Þórðarson prest í Neskirkju fékk ekki mikið vægi í þeirri frétt.

Í Fréttablaðinu fimmtudaginn 26. apríl 2007 var tekið viðtal við Bjarna Karlsson þar sem hann segist blygðast sín fyrir hönd kirkjunnar. Einnig var tekið viðtal við formann samtakanna 78 og viðkomandi sagði að útkoman kom sér ekki á óvart.

Þeir aðilar sem stóðu að þessum fréttum sýndu á engann hátt hlutleysi við gerð þessarar fréttar. Greinilega mátti sjá með hvorum aðilanum var tekinn afstaða. Þegar ég las fréttirnar gat ég ekki skilið annað en að prestar væru vondir menn og hötuðu samkynhneigða. En aðvitað er það ekki svo. Flest allt Kristið fólk hefur mikið umburðarlyndi og kærleika til náungans. Enda er það partur af því að vera Kristinnar trúar. Hins vegar hefur Kristið fólk ekkert leyfi til að breyta Orði Guðs, slíkt er mikill glæpur í augum Guðs. Prestar hafa ekki heimild til að breyta Orði Guðs og þess vegna ber að virða það við þá.

Fréttamenn verða að gæta sín þegar þeir flytja fréttir. Í flestum tilfellum eru fréttir mjög góðar og málefnalegar en þessar tvær fréttir sem um ræðir eru á engann hátt málefnalegar. Fréttamenn eiga að kynna sér af hverju prestar felldu tillöguna og útskýra það fyrir lesendum, slíkt er fagmannlegt.

Athugasemdir

[Jónas Tryggvi Jóhannsson, 27.4.2007 kl. 16:10]

Held að þetta svari þessu hjá þér ágætlega;

Í biblíunni er einning talað um að það sé bannað að taka vexti af lánum, og að ef þú selur fyrstu dóttur þína í þrældóm fyrir 13 ára aldur - þá skuli hún aldrei verða frjáls maður. Við mennirnir höfum oft tekið okkur skáldaleyfi á biblíuna, enda skrifuðum við hana sjálfir -- því er fáranlegt að horfa á hana sem endanlegan hlut í dag frekar en fyrri daginn.

[Gústaf Níelsson, 28.4.2007 kl. 01:54]

Þú mátt alltaf búast við skensi af því tagi sem Jónas Tryggvi sendir þér. Hann hefur þó fyrir því að lesa skrif þín. Það sem þú segir um fréttaflutninginn af prestastefnu,er hins vegar alveg rétt. Hvað skoðun sem menn kunna að hafa á Biblíunni, þá er hún trúarrit kristinna manna,en ekki "félagsfræðirit", sem sveigt er að aldarfari og tíðaranda hverju sinni. Þetta vilja margir samkynhneigðir ekki skilja,og það sem verra er,margir guðfræðimenntaðir menn ekki heldur. Konur eru líka menn í þessum skilningi, en þær virðast, af einhverjum ástæðum skilja þetta verr. Ég veit ekki hvers vegna. Athygli mína vakti að af 41 presti og guðfræðingi, sem skrifuðu undir tillöguna sem lögð var fram á prestastefnu, og hefur vakið deilur, voru 19 kvenkyns. Hvað veldur?

[Böðvar Ingi Guðbjartsson, 28.4.2007 kl. 02:04]

Biblían er án efa ein umdeildasta bók veraldar og þar af leiðandi hefur fjöldi fólks misnotað Biblíuna í röngum tilgangi. Biblían er rituð af 40 mönnum, allt frá fjárhirðum til konunga. Biblían er rituð á um 1500 ára tímabili. Í Biblíunni er algjör samhljómur þ.e.a.s. enginn þversögn. Þeir sem rituðu Biblíuna fengu innblástur frá Guði til að rita. Það sem gerir Biblíuna svona magnaða er að hún hefur að geyma fjöldann allan af spádómum. Spádómar sem spámenn Guðs fluttu samtíðar fólki sínu á sínum tíma. Sagnfræðin styður með sögunni að fjöldinn allur af spádómum Biblíunnar hefur ræst.

Um 80% af spádómum Biblíunnar hafa ræst, 20% eiga eftir að rætast. Þeir spádómar hafa með endurkomu Jesú að gera og eins og við vitum að þá hefur Jesús ekki ennþá komið aftur eins og Hann lofaði. Enda þegar Jesús kemur aftur munu kraftar himnanna bifast. Það mun ekki fara framhjá neinum. (Matteusarguðspjall 24:29-31. Biblían 1981)

Myndasyrpan sem Jónas sendi mér, er talandi dæmu um hvernig fáfrótt fólk, hefur í gegnum aldirnar misnotað Biblíuna. Notað Biblíuna í röngum tilgangi til að fullnægja sínum eigin hvötum.  Ef menn geta náð inn á átrúnað fólks er hægt að láta fólk gera hvað sem er. Þess vegna er svo mikilvægt að fólk lesi Biblíuna sjálft og kynni sér hvað í Biblíunni stendur. Tökum til dæmis þrælahald. Í 1 Tímóteusarbréfi 1:10 ( Nýja testamentið ) er þrælahald skilgreint sem synd. Í Gamla testamentinu var þrælahald af öðrum toga. Þar bjuggu menn ekki við efnahagslegan raunveruleika eins og við þekkjum í dag. Menn gátu selt sig í þrælahald til að greiða upp þjófnað eða skuldir. ( Þar varst þú ekki gjaldþrota eins og við þekkjum í dag. Öll bankaviðskipti lokuð. ) Í 2 Mósebók 22:3 getum við lesið um þjóf sem var staðinn að verki og ef hann gat ekki borgað segt sína var hann seldur í þrældóm þar til skuldin var að fullu borguð.

Þegar fólk er að taka Biblíuna úr samhengi og vitnar í lögmálið sem er í Gamla testamentinu að þá verður það að skilja að Kristið fólk er ekki undir ákvæðum lögmálsins. Það var hugsað fyrir Gyðinga á þeim tíma. Guð var að búa til þjóð ( móta ) til að vera ljós fyrir heiminn. Þjóð sem var boðberi Hins eina sanna Guð. 1 Mósebók 12:1-3. Guð gaf Gyðingum lögmálið til að fara eftir. Að fara eftir lögmálinu hafði með þína réttlætingu að gera. Þannig gátu þeir nálgast Guð. En vegna þess að í mannheimi erum við svo mannleg, breisk og ófullkomin, að þá áttu Gyðingarnir í erfiðleikum með þetta. Gyðingar fóru að bæta við lögmálið allskonar ákvæðum sem voru bara til að flækja hlutina. Þegar Jesús kom að þá fór Hann að leiðrétta þá sem voru að kenna lögmálið. Jesús sýndi hina einu sönnu mynd af Guði. Guð kærleikans.