Gleðilegt ár?

Gleðilegt ár?

Kryddsíld lokið vegna skemmdarverka

Leiðtoginn snýr aftur!

Það birti til þegar ég heyrði í fréttum að Davíð Oddsson ætlar kannski að snúa aftur í pólitík. Betri mann get ég ekki hugsað mér til að taka við stjórnvöldin. Davíð lét ekki kaupa sig ( múta ) þegar honum voru boðnar 300 kúlur fyrir nokkrum árum. Davíð segir það sem segja þarf og án efa mikill leiðtogi. Það er ekki boðlegt að hlusta á þessa bankamenn tala illa um Davíð. Þeirra ummæli dæmi sig sjálf en því miður er eins og fólk sjái ekki í gegnum þetta. Þeir sem eiga ( áttu ? ) hina frjálsu fjölmiðla töluðu voru ekki vinveittir Davíð því þeir koma allir úr sama hópi og þeir sem reyndu að múta honum á sínum tíma.

Ég veit að það er bjartsýni að Davíð komi aftur inn í pólitíkina en ef svo er verður það þjóðinni til heilla. Þegar ég sé til Davíðs í sjónvarpsviðtölum sé ég mann sem er ekki sama. Hann vill leggja sitt að mörkum til að bæta ástandið. Mér sýnist þeir sem einna mest bera ábyrgð, þ.e.a.s. þeir sem settu okkur í þessar skuldir vera komnir af landi brott með allan gróðann.

En við vonum það besta og mér finnst alveg fráleitt að fólk skuli reyna að kenna Davíð um þetta. Það er kannski ein af þeim ástæðum hvað margir eru heilaþvegnir af þessum frjálsu fjölmiðlum.

Guð blessi Ísland.

Ánægður með Davíð Oddsson

Ánægður með Davíð Oddsson.

Hvet alla til að nálgast Kastljósið 7.10.08

Það sem ég met einna mest í fari Davíðs er að hann leggur spilin á borðið. Þegar svona sterkur einstaklingur kemur fram og segir það sem segja þarf að þá er vissri óvissu eytt. 

Það ættu fleiri að taka hann sér til fyrirmyndar og leggja öll spilin á borðið til að almenningur geti metið stöðuna út frá staðreyndum.

Davíð fær 10 í einkunn fyrir skilleika og góða útskýringu á atburðarrás síðustu daga. Davíð var búinn að vara við þessu og það vekur undrun að ekki var búið að gera neitt í því ljósi fyrir löngu síðan.

Guð blessi Ísland.

Biblíulegt að biðja saman.

 

Bænagangan sem var á laugardaginn 10. nóv. 2007 var mjög flott og þegar komið var á Austurvöll að þá var mjög virðulegt að sjá fánahillinguna. Það var líka táknrænt að koma öll saman fyrir framan Alþingi Íslendinga.

Í Biblíunni kemur skýrt fram að við eigum að biðja fyrir ráðamönnum þessara þjóðar.

Í Fyrra bréf Páls til Tímóteusar 2 kafla, vers frá 1-4.

,,Fyrst af öllu áminni ég um að bera fram ákall, bænir, fyrirbænir og þakkargjörðir fyrir öllum mönnum, fyrir konungum og öllum þeim, sem hátt eru settir, til þess að vér fáum lifað friðsamlegu og rólegu lífi í allri guðhræðslu og siðprýði. Þetta er gott og þóknanlegt fyrir frelsara vorum Guði, sem vill að allir menn verði hólpnir og komist til þekkingar á sannleikanum."

 

Guð er góður.

Bænaganga 10 nóv. 2007 kl.14

Lagt verður af stað frá Hallgrímskirkju laugardaginn 10 nóv. 2007 kl:14

Ég vona að sem flestir sjái sér fært um að mæta til að biðja fyrir landi og þjóð.

Myrkrið burt! Ísland er helgað Guði, skapara himins og jarðar.

Guð er góður.

Kirkjuþing.

Kirkjuþing samþykkir, að prestar staðfesti samvist samkynhneigðra, gengur lengra en nokkur lúthersk kirkja - róttæklingar bæði fagna og lýsa yfir stefnu á enn meira!

Ég flagga í hálfa stöng í hjarta mínu. Ég sé það betur og betur hvernig þjóðkirkjan er orðin sýrð af vondu súrdegi. Ég vona að þetta fólk sjái af sér og dragi þessa tillögu til baka. Það er ekki hægt að blessa það sem Guð fordæmir. Hér þarf engan fróðan mann til að sjá að Biblían er mjög skýr í þessum málum, enda er hún opinberuð smælingjum. Kirkjan ætti frekar að bjóða upp á aðstoð til þeirra sem berjast við samkynhneigð. Og ég fullyrði það að það er ljótt að ljúga af þessu blessaða fólki sem glímir við samkynhneigð og segja að Guð blessi þeirra sambúðarform. Guð kallar þessa hneigð synd. Laun syndarinnar er dauði. Bæn mín er sú að þjóðkirkjan megi sjá af sér og fara að boða sannleika í stað lygi.

Tveir pólar!

Að mínu mati að þá slapp þessi auglýsing fyrir horn. Þó ber að athuga að fólk má hafa aðrar skoðun eins og t.d. Biskupsstofa. Óþarfi að hæðst að þeim eins og sumir bloggarar gera. Hinn Kristni maður verður þó alltaf að vera á varðbergi gagnvart náunganum. Páll postuli segir í 1 Korintubréfi 8 kafla, að við megum ekki stæla samvisku annarra. ( Biblían 1981 ) Mér sýnist á Jóni Gnarr að honum þyki þetta leitt og að hann hafi ekki búist við þessum viðbrögðum og að hann hafi ekki viljað stæla samvisku annarra.

Ég tek undir orð Páls postula í Filippíubréfi 1 kafla frá versi 18 ,,En hvað um það! Kristur er allt að einu boðaður, hvort sem það heldur er af uppgerð eða heilum hug." ( Biblían 1981 ).

Setjum fram okkar skoðun á auglýsingunni, og við skulum ekki hamra á þeim sem hafa aðra skoðun.

 

 

 

Biskup segir nýja auglýsingu Símans smekklausa

Trúin á Guð.

Að trúa eða ekki trúa, það er spurningin? Á ferð minni um ýmsar bloggsíður, kemur trúin víða við. Trúin skiptir fólk máli, hvort sem hún er jákvæð eða neikvæð, í þeirra huga. Margir guðfræðingar tala um að Kristin trú sé að taka á sig mjög sérstaka mynd og er sú mynd eða hugmyndafræði kölluð postmodelismi. Postmodelismi er ríkjandi hér á vesturlöndum. Postmodelismi gengur út á að hver og einn getur túlkað Kristna trú á sinn hátt og valið “sinn veg”  eftir sinni túlkun. Mín skoðun á þeirri hugmyndafræði tel ég vera mjög vafasama. Það að ég gagnrýni Postmodelisma, hefur í för með sér, að þeir sem aðhyllast Postmodelisma verða mér ósammála. Þeir vilja meina að það sé gott fyrir trúna að taka breytingum eftir tíðarandanum. Nokkrir prestar sem aðhyllast postmodelisma vilja sníða Kristna trú að fólkinu og gera hana “þægilega og vinsæla” fyrir suma hópa sem vilja breyta ýmsu í boðun Biblíunnar. Rök þeirra eru þau að þeir vilji ekki fæla fólk frá kirkjunni heldur laða kirkjuna að þeim. En af hverju get ég ekki bara sætt mig við það og látið til leiðast og þagað? Er ég gamaldags og afturhaldsamur eða þröngsýnn maður? Eða er eitthvað sem fær mig til að vera á móti því að fólk velji og hafni eftir sínum eigin geðþótta þegar kemur að Biblíunni? Það sem fær mig til að vera á móti, er það sem í mér býr! Til að útskýra mál mitt ætla ég að segja mína reynslusögu af því hvernig ég komst til trúar á Jesú Krist.

Það var snemma árs 1995 að ég átti leið framhjá húsi systur minnar. Ég ákvað að kíkja inn í heimsókn. Þegar ég var kominn inn í forstofu að þá mætti mér mágur minn, kominn í úlpuna á leiðinni út. Hann var með bók í hendinni sem var Biblían. Hann tjáði mér að hann væri á leiðinni á samkomu og bauð mér með. Ég lét til leiðast og fór með honum á samkomu. Ég hafði ekki hugmynd um hvað beið mín. Á samkomunni heyrði ég söngva sem ég hafði aldrei heyrt og predikun um kærleika Guðs og að Guð vill eiga persónulegt samband við okkur mannfólkið. Eftir samkomuna var ég eitt stórt spurningarmerki. Ég fór heim með mági mínum og við settumst inn í stofu til að ræða þetta nánar. Hann útskýrði fyrir mér að hann hefði frelsast. Ég var engu nær. Hann útskýrði fyrir mér fagnaðarerindið sem Jesús boðaði þegar Hann gekk hér um í mannheimi fyrir um 2000 árum. Að lokum bauð hann mér að fara með frelsis bæn. Ég jánkaði því. Bænin er á þá leið að þú biður Jesú um að koma inn í hjarta þitt, fyrirgefa þér syndir þínar og síðan biður þú Jesú um að frelsa þig. Þegar ég lauk þessari bæn, að þá gerðist það, ég frelsaðist. Allt í einu kom þessi fullvissa í hjartað mitt um að Guð væri til og að Hann elskaði mig. Ég upplifði eins og að eitthvað farg, þungi, hefði farið úr hjarta mínu. Ég fann að ég var orðinn breyttur maður. Eitthvað mjög merkilegt hafði gerst. Næstu vikur og mánuðir urðu mjög sérstakir. Ég vildi lifa heiðarlegu og hreinu lífi. Vinir mínir geta vitnað um það að ég varð orðinn breyttur maður. Allt blót og slæmir lestir hurfu úr mínu lífi. Ég fór að lesa í Biblíunni og var eins og svampur í vatni, drakk allt í mig.

Þegar maður les í Biblíunni og tileinkar sér boðskap Jesú og breytir eftir boðskapnum og reynir eftir bestu vitund að lifa eftir því, að þá hefur maður eitthvað til málanna að leggja þegar kemur að trúar umræðum. Ég hef lært að bera virðingu fyrir sjónarmiðum annarra og virða þeirra trú, en þegar fólk talar í nafni Kristinnar trúar og vill breyta boðskapnum til að þóknast sumu fólki að þá legg ég mitt á vogarskálina til að verja boðskap Jesú. Það að breyta boðskapnum er mjög hættulegt. Í Jakobsbréfi 4, kafla og frá versi 4 – 5 stendur ,,Þér ótrúu, vitið þér ekki, að vinátta við heiminn er fjandskapur gegn Guði? Hver sem því vill vera vinur heimsins, hann gjörir sig að óvini Guðs. Eða haldið þér að ritningin fari með hégóma, sem segir: ,,Þráir Guð ekki með afbrýði andann, sem hann gaf bústað í oss?” (Biblían 1981)

Í Jóhannesarguðspjalli 3, kafla og frá versi 1 - 22 útskýrir Jesús fyrir Nikódemusi að maður þurfi að frelsast til að komast inn í Guðs ríki. Endurfæðast. (Biblían 1981)

Í 2. Korintubréfi 5, kafla og 17 versi stendur ,,Ef einhver er í Kristi, er hann skapaður á ný, hið gamla varð að engu, sjá, nýtt er orðið til." (Biblían 1981)

Ég veit að trúin skiptir fólk máli og vill ég þar með hvetja alla til að gefa trúnni tækifæri með opnum og jákvæðum hug. Til eru margar góðar leiðir t.d. http://alfa.is/ 

Að trúa eða ekki trúa? Ég vel að trúa, trúa á allan boðskapinn, eins og hann er ritaður.

Með kveðju Böðvar Ingi.

Teletubbies!

Við fyrstu sýn virðist þetta barnaefni vera mjög saklaust. Ég hef heyrt þetta áður með þann fjólublá að hann eigi að vera samkynhneigður. Mér finnst ekkert athugavert við það að Pólverjar láti kanna þetta barnaefni. Ef það er svo dulin boðskapur um samkynhneigð í þessu barnaefni að þá á að henda því út. Ég er ánægður með Pólverjana, þeir reyna að standa vörð um æskuna. Það er annað en stjórnmála menn á Íslandi sem ekki hafa gætt að réttindabaráttu barna þegar þeir voru að auka sérréttindi samkynhneigðra hér á Íslandi.

Pólsk yfirvöld rannsaka hvort Stubbarnir séu samkynhneigðir

Framsóknarflokkurinn!

 

Það er merkilegt að sjá hvað Framsóknarflokkurinn geldur mikið fyrir að hafa verið í stjórn með Sjálfstæðisflokknum. Ýmsar ástæður hafa verið nefndar, en samt sem áður veit fólk ekki fyrir víst, af hverju! Ég hef þá kenningu að þegar Framsóknarflokkurinn fór fram með málefni samkynhneigðra, fannst mörgum nú nóg komið. Að tala með þeim hætti eins og þeir Árni Magnússon fyrrverandi Félagsmálaráðherra og síðan Halldór Ásgrímsson fyrrverandi Forsætisráðherra. Þeir töluðu á þeim nótum að þeir ætluðu að berjast fyrir málstaði samkynhneigðra og láta breyta lögum þeim til tekna.

Í fyrra þegar þessi umræða var, kom meðal annars viðtal við Gest Gestsson Framsóknarmann viðtal í sjónvarpinu þar sem hann vildi fara hægar í þessi mál samkynhneigðra. Hann sagði frá því að margir Framsóknarmenn væru ekki sammála þeim Árna og Halldóri um þessi mál. Í umræðunni seinna meir mátti sjá og heyra að Framsóknarmenn, þeir sem studdu tillögu Árna og Halldórs hefðu skotið vel yfir markið í leit að vinsældum fyrir flokkinn. Fólk sá allavega að þeir væru ekki málefnalegir í þessum málaflokki þar sem svo margt stríddi gegna baráttumálum samkynhneigðra.

Ekki spurning, það er svarið fyrir slæmu gengi Framsóknarflokksins að þeir börðust fyrir málefnum samkynhneigðra.

Þegar Þorgeir ljósvetningargoði sagði fyrir þúsund árum ,,Alþingi skal taka Kristna trú" liggur það í eðli málsins að Sigurjón Þórðarson Hegranesgoði á ekkert erindi inn á Alþingi. Hann vill berjast fyrir aðskilnað ríkis og kirkju.

Hvað snýr að kosningum að þá er trompið í höndum Geirs H. Hann getur valið með hverjum hann kýs að fara í samstarf með.

Með kveðju Böðvar Ingi.